K.Y.Fərəcova adına Elmi-Tədqiqat Pediatriya İnstitutunun YOLUXUCU XƏSTƏLİKLƏR şöbəsi  1995-ci  ildən fəaliyyət göstərir.  İnstitutda  2013-2014-cü illər ərzində aparılan əsaslı təmir-bərpa və yenidənqurma işlərinin başa çatdırılması nəticəsində “Diaqnostik bokslar” “Yoluxucu xəstəliklər  şöbəsi” adı altında fəaliyyət göstərməyə başlamışdır. Şöbə yeni  tibbi avadanlıq və müasir cihazlarla təmin edilmiş, boks tipli 8 palata  təşkil olunmuşdur. Yoluxucu  xəstəliklər şöbəsi   25 çarpayılıqdır. Şöbədə 2 həkim: Babayeva Nərgiz, Qayıbova Svetlana,  3  nəfər  Azərbaycan Tibb Universitetinin I Uşaq xəstəlikləri kafedrasının  assistentləri-Ağayeva Gülnaz, Cəfərova  Səbinə, İsmayılova Sevinc çalışır. Şöbədə13.5  orta tibb, 10 vahid kiçik tibb personal çalışır.

Hər il 700 nəfərə yaxın  xəstə Yoluxucu xəstəliklər şöbəsində müalicə olunaraq  sağalma  və yaxşılaşma  ilə evə yazılırlar.

Şöbədə rezidentlərlə hazırlıq istiqamətində fəal iş aparılır. Şöbədə həm Pediatriya İnstitutunun, həm də digər tibb  müəssisələrinin  həkim- rezidentləri təqvim planı üzrə  hazırlıq keçir.Onlar şöbədə xəstələrin  müalicəsi   ilə  məşğul olur, seminar məşğələlərində  iştirak edir, institutda cədvəl üzrə növbədə qalırlar.

Azərbaycan Respublikasının Prezidentinin  10 dekabr 2013-cü il tarixində 150 saylı  sərəncamı ilə təsdiq edilmiş “Uşaqların  icbari dispanserizasiyası haqqında     Dövlət proqramı” nın icrasını təmin etmək məqsədilə şöbənin əməkdaşları 2015-ci    ilin aprel və sentyabr ayları ərzində  Respublikanın  rayonlarında ezamiyyətdə  olmuşlar. Belə ki, N.Babayeva- Mingəçevir, Daşkəsən,Göygöl, S.Qayıbova –Ağdam, Tərtər, Bərdə şəhərlərində uşaq əhalisinin  icbari dispanserizasiyasının keçirilməsinə nəzarət məqsədi ilə ezamiyyətdə olmuşlar.

Şöbədə müalicə alan  xəstələr  nevroloq, otorinolarinqoloq, oftalmoloq, hematoloq, kardioloq, uroloq  göstəriş olduqda isə cərrah  tərəfindən  müayinə edilirlər. Xəstələrin laborator müayinəsi klinik  biokimyəvi, bakterioloji, immunoloji, seroloji laboratoriyalarda aparılır.Həmçinin funksional diaqnostik müayinələr (neyrosonoqrafiya, exokardioqrafiya,doppleroqrafiya, daxili üzvlərin ultrasəs  müayinəsi, EEQ və s.)  aparılır.

Klinik  laboratoriyada  qan, sidik, nəcisin ümumi analizləri aparılır. Uzun müddət hərarəti olan xəstələr  QİÇS-ə və malyariyaya, hepatomeqaliya aşkar   edilən  xəstələrdə Hepatit B və C  virusları yoxlanılır, göstəriş  olduqda xəstələr  həmçinin  toksoplazmoz, SMV, herpes, xlamidioz, leyşmanioz və s. görə müayinə      olunurlar. Yoluxucu xəstəliklər  şöbəsində müalicə alan uşaqlar arasında diaqnostika və müalicə üçün aşağıdakı  xəstəliklər  rast gəlinir: diareya sindromu ilə müşayiət olunan kəskin respirator xəstəlik,  kəskin bronxit, pnevmoniya; sepsis, şərti patogen bakteriyalar törədən  enterokolitlər, salmonelyoz,  fermentopatiyalar,  dizbakterioz,  anemiya,  hipotrofiya , raxit.

Xəstələr dərman və yeməklə təmin olunurlar, həkimlərin peşakarlığı və müalicənin müasir üsullarla aparılması xəstələrin tez bir zamanda sağalmasına zəmin yaradır.