Seminarda institutun rəhbərliyi, həkim-əməkdaşlar, həkim-rezidentlər iştirak ediblər.
Seminarın açılışı institutun rəhbərliyinin nitqiylə başlayıb.
Daha sonra birinci çıxışçı həkim-pediatr Türkanə Məmmədova “Stridora necə yanaşmalı?” mövzusunda təqdimatla çıxış edib. Həkim-pediatr stridor haqqında ümumi məlumat verərək onun növləri, anamnezə və subyektiv əlamətlər əsasən differensial diaqnostikasına dair geniş təqdimatı işirakçıların diqqətinə çatdırıb.
İkinci çıxışçı həkim-otorinolarinqoloq Gülşən Qədirli Anadangəlmə stridorun növlərinə, səbəblərinə, müalicə taktikasına toxunub. Anadangəlmə stridorun cərrahi müalicəsinə dair videoçarx nümayiş etdirib.
Üçüncü məruzəçi həkim-pediatr Arzu Alxasova Qazanılma stridor haqqında çıxış edib. Stridorun etiologiyası, klinikası, differensial diaqnostikası haqqında məlumatı diqqətə çatdırıb.
Sonda mövzu ətrafında geniş müzakirələr aparılıb.
