Əvvəlcə tədbir iştirakçıları institutun foyesində Ulu Öndərin büstünü ziyarət edib, büstün önünə tər çiçəklər qoyaraq xatirəsinə ehtiramlarını bildiriblər.
Daha sonra Ümummilli Liderin əziz xatirəsi bir dəqiqəlik sükutla yad edilib.
Tədbirin açılış nitqində institutun direktoru t.ü.f.d.,dos Aynur Poluxova ümummilli lider Heydər Əliyevin xalqımızın taleyində misilsiz xilaskar missiyasından, müasir müstəqil dövlətimizin qurulmasında müstəsna xidmətlərindən danışıb. Bildirilib ki, Heydər Əliyev Azərbaycan xalqının yaddaşında qurucu və xilaskar dövlət xadimi, milli lider kimi əbədilik qazanıb. Ölkəmiz dünyada layiq olduğu mövqeyə Ulu Öndərin uzaqgörənliyi, müdrikliyi, qətiyyəti, zəngin dövlətçilik təcrübəsi sayəsində yüksəlib. Ulu Öndərin layiqli davamçısı Prezident İlham Əliyev Azərbaycanın bugünkü və gələcək inkişafının təminatçısıdır. Prezident İlham Əliyevin rəhbərliyi altında Azərbaycan özünün milli dövlət quruculuğu və idarəçiliyinin növbəti şərəfli mərhələsini yaşayır.
Çıxış edən digər iştirakçılar dahi şəxsiyyət Heydər Əliyevin Azərbaycanın inkişafında göstərdiyi müstəsna xidmətlərdən söz açaraq, onun zəngin həyat və fəaliyyətində vətənə, dövlətə sədaqət hissinin əsas yer tutduğunu bildiriblər. Çıxışçılar müdrik dövlət xadiminin müstəqillik illərində Azərbaycana rəhbərlik etdiyi mərhələ sabitlik, tərəqqi dövrü kimi tarixə həkk olunub. Azərbaycanda uğurlu dövlət quruculuğu həyata keçirilib, bütün sahələrdə köklü islahatlar aparılıb, ölkəmizin beynəlxalq əlaqələri inkişaf etdirilib, dünyada mövqeyi möhkəmlənib, deyə bildiriblər. Bu gün müasir müstəqil Azərbaycan ümummilli lider Heydər Əliyevin ideyaları əsasında inkişaf edir. Ümummilli lider Heydər Əliyevin əsasını qoyduğu siyasət Azərbaycan Respublikasının Prezidenti cənab İlham Əliyev tərəfindən uğurla davam etdirilir.
Sonda Ulu Öndərin həyat və fəaliyyəti haqqında videoçarx nümayiş olunub.
