Azərbaycan Respublikası Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutunda həkim-rezidentlərin bilik və bacarıqlarının artırılması məqsədilə növbəti ənənəvi seminar keçirilib.
Seminarda institutun həkim-kollektivi və həkim-rezidentlər iştirak ediblər.
Həkim-qastreoenteroloq Dilarə Bayramovanın rəhbərliyi altında Səfurə Eminova “Yenidoğulmuşların qidalandırılması” mövzusunda ətraflı təqdimatla çıxış edib.
Həkim-rezident çıxışında ana südü ilə qidalanmanın üstünlükləri, onun uşaq orqanizminə olan müsbət təsiri, düzgün döşə qoyulma, döşlə əmizdirməyə nisbi əksgöstərişlər və.s barədə ətraflı məlumat verib.
Sonda mövzu ətrafında müzakirələr aparılıb.
